നാടന്‍ മട്ടന്‍ വരട്ടിയത്

എല്ലാവര്‍ക്കും താല്‍പര്യമുള്ള വിഭവങ്ങളാണ് നാടന്‍ ഭക്ഷണങ്ങള്‍.

അടിപൊളി ഒരു നാടന്‍ മട്ടന്‍ വരട്ടിയതാണ് ഇന്ന് തയ്യാറാക്കുന്നത്.

വളരെ സ്വാദേറിയ ഒരു വിഭവമാണിത്. എല്ലാവര്‍ക്കും ഇഷ്ടമാകും.

ചേരുവകള്‍:

മട്ടന്‍- 1 കിലോ (mutton – 1 kg)

സവാള- 2 എണ്ണം (onion – 2 nos)

തക്കാളി- 2 എണ്ണം (tomato – 2 nos)

ഇഞ്ചി- 1 കഷ്ണം (ginger -1 piece)

വെളുത്തുള്ളി- 8 അല്ലി (garlic – 8 )

കുരുമുളക് പൊടി- 1 ടീസ്പൂണ്‍ (pepper powder -1 tspn)

ഗ്രാമ്പൂ- 2 എണ്ണം (cloves – 2 nos)

ഏലയ്ക്ക- 3 എണ്ണം (cardamom – 3 nos)

കറുവാപ്പട്ട- 2 എണ്ണം (cinnamon – 2 nos)

മഞ്ഞള്‍പ്പൊടി- 1 ടീസ്പൂണ്‍ (turmeric powder – 1 tspn)

മുളകുപൊടി- 2 ടീസ്പൂണ്‍ (chilli powder – 2 tspn)

മല്ലിപ്പൊടി- 2 ടേബിള്‍ സ്പൂണ്‍ (coriander powder – 2 tspn)

ഗരം മസാല- 1 ടീസ്പൂണ്‍ (garam masala – 1 tspn)

ഉപ്പ്- പാകത്തിന് (salt for taste)

വെള്ളം- ആവശ്യത്തിന് (water)

വെളിച്ചെണ്ണ- ആവശ്യത്തിന് (coconut oil)

കറിവേപ്പില- 2 തണ്ട് (curry leaves – 2 stem)

തേങ്ങാക്കൊത്ത്- 2 ടേബിള്‍ സ്പൂണ്‍ (coconut – 2 tspn)

തയ്യാറാക്കുന്ന വിധം:

മട്ടന്‍ ചെറിയ കഷ്ണങ്ങളാക്കി ഉപ്പ്, മഞ്ഞള്‍പ്പൊടി എന്നിവ പുരട്ടി അര മണിക്കൂര്‍ വെയ്ക്കുക. ഇത് പാകത്തിന് വെള്ളം ചേര്‍ത്ത് കകുക്കറില്‍ വേവിച്ചെടുക്കുക.

ഒരു പാനില്‍ വെളിച്ചെണ്ണ ചൂടാക്കി ഗ്രാമ്പൂ, കറുവാപ്പട്ട, കുരുമുളക് എന്നിവ വഴറ്റുക. ഇതിലേയ്ക്ക് ഇഞ്ചി, വെളുത്തുള്ളി ചതച്ചത് എന്നിവ ചേര്‍ത്ത് നന്നായി മൂപ്പിക്കുക. ഇതില്‍ കറിവേപ്പില ചേര്‍ത്ത് നന്നായി യോജിപ്പിക്കുക. ഇതിലേക്ക് സവാള ചേര്‍ത്ത് നല്ലപോലെ വഴറ്റുക.

സവാള ഇളം ബ്രൗണ്‍ നിറമായാല്‍ മസാലപ്പൊടികള്‍ ചേര്‍ത്തിളക്കണം. ഇത് നല്ലപോലെ മൂത്തു കഴിയുമ്പോള്‍ തക്കാളി ചേര്‍ത്ത് നല്ലപോലെ ഇളക്കുക.

ഇതിലേയ്ക്ക് വേവിച്ച മട്ടന്‍ ചേര്‍ത്തിളക്കുക. ഇത് നല്ലപോലെ മസാലകള്‍ പിടിച്ച് വെള്ളം വറ്റിക്കഴിയുമ്പോള്‍ വാങ്ങി വയ്ക്കാം.

മറ്റൊരു പാനില്‍ വെളിച്ചെണ്ണ മൂപ്പിച്ച് ഇതില്‍ തേങ്ങാക്കൊത്ത്, കറിവേപ്പില, കുരുമുളക് പൊടി കുറച്ച് സവാള എന്നിവ ചേര്‍ത്ത് നല്ലപോലെ മൂപ്പിച്ച് തയ്യാറാക്കിയ മട്ടനിലേയ്ക്കു ചേര്‍ക്കാം.

നാടന്‍ മട്ടന്‍ വരട്ടിയത് റെഡി.

(Small pieces of mutton, salt, turmeric powder and apply it on for half an hour alike. It is soft, adding water and cook.

Heat a pan and saute the coconut, cloves, cinnamon, pepper. Add the ginger and garlic in butter and mixed with finely chopped. In this powder and mix thoroughly. Add the onion and saute well to it.

Brown the onion in a light color put masala. It can be mixed with plenty of mature tomatoes and mix well.

then put mutton. It can take plenty of water for spicy.

The Dicom, curry leaves, add a little onion powder and pepper and mix well the prepared pan and coconut another.)