ഇന്ന് നമുക്ക് ബീഫ് വരട്ടിയതും , ബട്ടര്‍ ചിക്കനും ഉണ്ടാക്കാം …ആദ്യം നമുക്ക് ബീഫ് വരട്ടിയത് ഉണ്ടാക്കാം ..കുട്ടനാടന്‍ സ്റ്റയിലില്‍ ബീഫ് വരട്ടുന്നതാണ് ഉണ്ടാക്കാന്‍ പോകുന്നത് ..വളരെ എളുപ്പത്തില്‍ നമുക്ക് തയ്യാറാക്കാവുന്നതാണ് ..ഇതിനാവശ്യമുള്ള സാധനങ്ങള്‍.
ബീഫ് – അരക്കിലോ
സവാള – 2 എണ്ണം
ഇഞ്ചി – ഒരു കഷ്ണം ചതച്ചത്
വെളുത്തുള്ളി – 8 അല്ലി ചതച്ചത്
കൊല്ലമുളക് – 7 എണ്ണം
മുഴുവന് മല്ലി – 2 ടേബിള് സ്പൂണ്
കുരുമുളകുപൊടി – 2 ടീസ്പൂണ്
മഞ്ഞള്പ്പൊടി – അര ടീസ്പൂണ്
പെരുഞ്ചീരകപ്പൊടി – 1 ടീസ്പൂണ്
തേങ്ങാക്കൊത്ത് – അരക്കപ്പ്
വെളിച്ചെണ്ണ – ആവശ്യത്തിന്
കറിവേപ്പില – ആവശ്യത്തിന്
തയാറാക്കുന്ന വിധം
ബീഫ് ചെറിയ കഷണങ്ങളാക്കി കഴുകി വയ്ക്കുക. ഇതിൽ ഒരു ടീസ്പൂണ് കുരുമുളകുപൊടി, ഉപ്പ്, മഞ്ഞള്പ്പൊടി എന്നിവ പുരട്ടി അര മണിക്കൂർ വയ്ക്കണം. ഇതിനു ശേഷം ഇത് പ്രഷർ കുക്കറിൽ വേവിച്ചെടുക്കുക.
ഒരു പാത്രത്തിൽ വെളിച്ചെണ്ണ മൂപ്പിയ്ക്കുക. ഇതിൽ കറിവേപ്പില, തേങ്ങാക്കൊത്ത് എന്നിവയിട്ടു മൂപ്പിയ്ക്കുക. തേങ്ങ ഇളം ബ്രൗണ് നിറമാകുമ്പോള് മുക്കാൽ ഭാഗം വെളുത്തുള്ളി ചതച്ചത് ചേർത്തിളക്കുക. ഇതും നല്ലപോലെ മൂപ്പിയ്ക്കണം. പിന്നീട് സവാള ചേർത്തിളക്കുക.
സവാള ബ്രൗണ് നിറമാകുമ്പോള് മുളകും മല്ലിയും പൊടിച്ചതും ഗരം മസാലയും ചേർത്തിളക്കുക.
ഇതിലേയ്ക്ക് ബീഫ് വേവിച്ചതു ചേർത്തിളക്കുക. അല്പം വെള്ളവുമാകാം. ബീഫിൽ മസാല നല്ലപോലെ പിടിച്ചു കഴിയുമ്പോള് മുകളിൽ അല്പം കൂടി ഗരം മസാല, പെരുഞ്ചീരകപ്പൊടി, കറിവേപ്പില എന്നിവയിട്ട് ഇളക്കാം. അല്പം വെളിച്ചെണ്ണ മുകളിൽ തൂവാം. ഇത് നല്ലപോലെ ഇളക്കി വെള്ളം വറ്റിച്ച് ഉപയോഗിയ്ക്കാം. ബീഫ് വരട്ടിയത് റെഡി !
ഇനി നമുക്ക് ബട്ടര്‍ ചിക്കന്‍ എങ്ങിനെ ഉണ്ടാക്കാമെന്നു നോക്കാം ഇതിനാവശ്യമുള്ള സാധനങ്ങള്‍
കോഴി – ഒരു കിലോ (ചെറുതായി അരിഞ്ഞത്)
സവാള – രണ്ടെണ്ണം (ചെറുതായി അരിഞ്ഞത്)
തക്കാളി – മൂന്നെണ്ണം (ചെറുതായി അരിഞ്ഞത്)
മുട്ട പുഴുങ്ങിയത് – രണ്ടെണ്ണം(ചെറുതായി അരിഞ്ഞത്)
ബട്ടർ -100 ഗ്രാം
ഇഞ്ചി, വെളുത്തുള്ളി പേസ്റ്റ് – രണ്ട് ടീസ്പൂൺ
മുളകുപൊടി – ഒരു ടേബിൾ സ്പൂൺ
മല്ലിപ്പൊടി – അര ടേബിൾ സ്പൂൺ
മഞ്ഞൾപൊടി – കാൽ ടേബിൾ സ്പൂൺ
ഏലയ്ക്ക, ഗ്രാമ്പു,കറുവാപ്പട്ട – നാലെണ്ണം വീതം ചതച്ചത്
അണ്ടിപ്പരിപ്പ് – പത്തെണ്ണം
വെളിച്ചെണ്ണ – പാകത്തിന്
മല്ലിയില – ഒരു പിടി
തയാറാക്കുന്ന വിധം
ചീനച്ചട്ടിയിൽ എണ്ണ ചൂടാക്കി സവാള അരിഞ്ഞത് ഇട്ട് വഴറ്റുക. ഇതിലേക്ക് തക്കാളി ചേർത്ത് വാടുന്നതുവരെ ഇളക്കുക. വഴറ്റിയ തക്കാളിയും സവാളയും അണ്ടിപ്പരിപ്പും ചേർത്ത് അരച്ചെടുക്കുക. ഇറച്ചി കഷ്ണങ്ങൾ പാകത്തിന് ഉപ്പും വെള്ളവും ചേർത്ത് വേവിച്ചെടുക്കുക. ഒരു ചീനച്ചട്ടിയിൽ ബട്ടർ ചൂടാക്കി ഇറച്ചി കഷണങ്ങൾ അതിലിട്ട് പൊരിച്ചെടുക്കുക. ഇതിലേക്ക് ഇഞ്ചി വെളുത്തുള്ളി പേസ്റ്റ് അരച്ചുവച്ച കൂട്ട് പൊടിച്ച ചേരുവകൾ ഇവ ചേർത്ത് ഇറച്ചി മൂക്കുമ്പോൾ മല്ലിപ്പൊടി, മുളകുപൊടി, മഞ്ഞൾപൊടി എന്നിവ ചേർത്ത് ഇളക്കുക. ബട്ടർ തെളിഞ്ഞു വരുമ്പോൾ മുട്ട ഗ്രേറ്റ് ചെയ്തതും മല്ലിയിലയും വിതറി വിളമ്പാം. ബട്ടര്‍ ചിക്കന്‍ റെഡി !
ഈ റെസിപ്പികള്‍ നിങ്ങള്‍ക്ക് ഇഷ്ട്ടമായെങ്കില്‍ ഇത് നിങ്ങളുടെ കൂട്ടുകാര്‍ക്കും ഷെയര്‍ ചെയ്യുക. കൂടുതല്‍ റെസിപ്പികള്‍ ലഭിക്കാന്‍ ഈ പേജ് ലൈക്ക് ചെയ്യുക.
