ഇന്ന് നമുക്ക് ബീഫ് എങ്ങനെയാണ് നാടന്‍ രുചിയില്‍ ഉണ്ടാക്കുക എന്ന് നോക്കാം.ഇതിനായിട്ടു മസാല കൂട്ട് വീട്ടില്‍ തന്നെ പൊടിച്ചു എടുക്കണം അതാണ്‌ ടേസ്റ്റ് ..കടകളില്‍ നിന്നും വാങ്ങുന്ന കൂട്ട് ഉപയോഗിക്കരുത് ഇതിനായിട്ടു ആദ്യം തന്നെ ഈ മസാല കൂട്ടുകള്‍ പതുക്കെ ഒന്ന് ചൂടാക്കി പൊടിച്ചു വയ്ക്കുക
ഏലക്ക – നാലെണ്ണം
കരയാംബൂ – ഏഴെണ്ണം
പട്ട – ഒരു വലിയ കഷണം
പേരും ജീരകം – ഒരു ടിസ്പൂണ്‍
തക്കോലം – ഒരെണ്ണം
കുരുമുളക് – പത്തെണ്ണം
ഇതെല്ലാം കൂടി ചൂടാക്കി പൊടിച്ചു വയ്ക്കുക
———————————————-
ബീഫ്- അര കിലോ
ചെറിയ ഉള്ളി- എട്ടെണ്ണം
സവാള- രണ്ട്
തക്കാളി- ഒന്നോ രണ്ടോ
ഇഞ്ചി- ഒരു വലിയ കഷ്ണം
വെളുത്തുള്ളി- ആറോ ഏഴോ അല്ലി
പച്ചമുളക്-രണ്ടെണ്ണം
കുരുമുളക്- പൊടിച്ചത് അര ടിസ്പൂണ്‍
മുളക്‌പൊടി- നാല് സ്പൂണ്‍
മഞ്ഞള്‍പൊടി- ഒന്നര സ്പൂണ്‍
മല്ലിപ്പൊടി- നാല് സ്പൂണ്‍
കറിവേപ്പില- ആവശ്യത്തിന്
വെളിച്ചെണ്ണ-ആവശ്യത്തിന്
ഉപ്പ- ആവശ്യത്തിന്
ഇനി ഉണ്ടാക്കേണ്ട വിധം
ബീഫ് ആദ്യം കഴുകി വൃത്തിയാക്കി എടുക്കുക ഇതിലേയ്ക്ക് ഇഞ്ചി ചതച്ചതും .പച്ചമുളകും , പകുതി സവാളയും പകുതി മുളക് പൊടിയും , മഞ്ഞപ്പൊടിയും ,ഉപ്പും വേപ്പിലയും ചേര്‍ത്ത് തിരുമ്മി ബീഫ് വേവിച്ചു എടുക്കണം
അതിനുശേഷം ഒരു ചീനച്ചട്ടി അടുപ്പതുവച്ചു വെളിച്ചെണ്ണ ഒഴിച്ച് സവാള വഴറ്റണം അതിനുശേഷം ചുവന്നുള്ളിയും ,വെളുത്തുള്ളിയും ചേര്‍ത്ത് മൂപ്പിക്കണം അതിനുശേഷം തക്കാളി ചേര്‍ക്കാം തക്കാളി നന്നായി വഴറ്റി തവി കൊണ്ട് ഒന്ന് ഉടയ്ക്കുക ..ഇനി ഇതിലേയ്ക്ക് അല്പം മഞ്ഞപ്പൊടി ചേര്‍ക്കാം അതിനു ശേഷം മുളക് പൊടി ചേര്‍ത്ത് ഇളക്കണം ,ഇനി കുരുമുളക് പൊടി ,മല്ലിപ്പൊടി ,മസാല പൊടിച്ചത് എല്ലാം ചേര്‍ക്കുക ഇതെല്ലാം നന്നായി ഇളക്കി ഒരു നുള്ള് ഉപ്പു ചേര്‍ക്കണം മസാലയ്ക്ക് പിടിക്കാന്‍ വേണ്ടി ഉള്ളത് മാത്രം മൂത്ത് കഴിയുമ്പോള്‍ വേവിച്ചു വച്ച ബീഫ് ചേര്‍ക്കാം നന്നായി മിക്സ് ചെയ്യാം ഇനി ഇതിലേയ്ക്ക് അല്പം വേപ്പില കൂടി ചേര്‍ക്കാം നന്നായി ഇളക്കി വെള്ളം ഉണ്ടെങ്കില്‍ എല്ലാം വലിയണം നല്ല ഫ്രൈ ആകുന്നതുവരെ വരട്ടുക …ബീഫ് ഫ്രൈ റെഡി
ഇതുണ്ടാക്കാന്‍ നല്ല എളുപ്പം ആണ് എല്ലാവരും ഉണ്ടാക്കി നോക്കണം ഇഷ്ട്ടമായാല്‍ നിങ്ങളുടെ കൂട്ടുകാര്‍ക്കും ഷെയര്‍ ചെയ്തു നല്‍കൂ. നിങ്ങള്‍ ഈ പേജ് ഇതുവരെ ലൈക്ക് ചെയ്തില്ലായെങ്കില്‍ ഉടന്‍തന്നെ ലൈക് ചെയ്യൂ. ദിവസവും ഇതുപോലുള്ള മികച്ച റെസിപ്പികള്‍ നിങ്ങളുടെ ടൈംലൈനില്‍ ലഭിക്കും.
